• +251115526653
  • info@etsugar.com
  • Phillips Building, Chad St, Addis Ababa, Ethiopia
ፕሮጀክቶች
ኦሞ ኩራዝ ቁጥር 5 ስኳር ፋብሪካ

ኦሞ ኩራዝ ቁጥር 5 ስኳር ፋብሪካ

በደቡብ ኦሞ ዞን ኛንጋቷም ወረዳ የሚካለለው የኦሞ ኩራዝ ቁጥር 5 ስኳር ፋብሪካ ከአዲስ አባባ በ954 ኪ.ሜ ርቀት ላይ ይገኛል፡፡ JJIEC በተባለ የቻይና ኩባንያ ህዳር 2009 ዓ.ም ግንባታው የተጀመረውና በሁለት ምዕራፍ ሊገነባ ታቅዶ ከገንዘብ አቅርቦት ጋር በተያያዘ የፋብሪካ ግንባታ ሥራው 27.7% ደርሶ ለጊዜው እንዲቆም ተደርጓል:: ይህ ፋብሪካ በግንባታ ዲዛይኑ መሠረተ ተገንብቶ ቢጠናቀቅና በሙሉ አቅሙ ወደ ምርት ቢገባ በቀን 24 ሺ ቶን አገዳ ይፈጫል፡፡

የኦሞ ኩራዝ ስኳር ልማት ፕሮጀክት የመስኖ መሠረተ ልማት ግንባታ

በፕሮጀክቱ በዋናነት የኦሞ ወንዝን መሠረት በማድረግ 100 ሺህ ሄክታር መሬት ላይ ሸንኮራ አገዳ ለማልማት የሚያስችል መጠነ ሰፊ የመስኖ መሰረተ ልማት ግንባታ እየተካሄደ ይገኛል፡፡

ጊዜያዊ ግድብ/Coffer Dam

በፕሮጀክቱ ለሚገኙ ሁለቱ ወደ ምርት ለገቡ ስኳር ፋብሪካዎችና ሁለት ደግሞ የፋብሪካ ግንባታቸው ለጊዜው ቆመው ለሚገኙ ጅምር ፋብሪካዎች የሸንኮራ አገዳ መሬቶች  ውሃ ለማቅረብ በኦሞ ወንዝ ላይ ጊዜያዊ ግድብ (ኮፈር ዳም) ተገንብቶ አገልግሎት በመስጠት ላይ ነው፡፡

የዋና ቦይ ግንባታ 

በኦሞ ኩራዝ የሸንኮራ አገዳ ለማልማት ከኦሞ ወንዝ በስተግራ (left bank) የ55 ኪ.ሜ ዋና ቦይ (main canal) የመሰረተ ልማት ግንባታ ተጠናቆ አገልግሎት መስጠት የጀመረ ሲሆን፣ በተመሳሳይ በቀኝ በኩል (right bank) እየተገነባ ከሚገኘው 134 ኪ.ሜ የዋና ቦይ (main canal) ግንባታ ውስጥ 43 ኪሎ ሜትሩ ተጠናቆ አገልግሎት በመስጠት ላይ ይገኛል፡፡ እንዲሁም የቀሪው 91 ኪ.ሜ የዋና ቦይ ቁፋሮ ተጠናቆ የስትራክቸር ስራ ይቀራል፡፡

በአጠቃላይ በኦሞ ኩራዝ መስኖ ልማት ፕሮጀክት የተጀመረውን የዋና ቦይ የመሰረተ ልማት ግንባታና ሌሎች ተያያዥ ሥራዎችን ሙሉ በሙሉ አጠናቆ ወደ ሥራ ለማስገባት ከ22.3 ቢሊዮን ብር በላይ ያስፈልጋል፡፡

Leave a Reply

Your email address will not be published. Required fields are marked *