• +251115526653
  • info@etsugar.com
  • Phillips Building, Chad St, Addis Ababa, Ethiopia
ፋብሪካዎች
ኦሞ ኩራዝ ቁጥር 2 ስኳር ፋብሪካ

ኦሞ ኩራዝ ቁጥር 2 ስኳር ፋብሪካ

በደቡብ ኦሞ ዞን በሰላማጎ ወረዳ የሚገኘው የኦሞ ኩራዝ ቁጥር 2 ስኳር ፋብሪካ ከአዲስ አባባ 825 ኪ.ሜ ይርቃል፡፡ ከቻይና ልማት ባንክ በተገኘ 6.67 ቢሊዮን ብር ብድር ሐምሌ 2007 ዓ.ም. ግንባታው በይፋ የተጀመረው የኦሞ ኩራዝ ቁጥር 2 ስኳር ፋብሪካ መጋቢት 14/2009 ዓ.ም. የሙከራ ምርቱን ካሳካ  በኋላ ወደ መደበኛ ምርት ተሸጋግሮ በማምረት ላይ ይገኛል፡፡

ኮምፕላንት በተባለ የቻይና ኩባንያ የተገነባው ይህ ፋብሪካ በሙሉ አቅሙ ማምረት ሲጀምር በቀን ከ8,000 አስከ 10,000 ኩንታል ስኳር የማምረት አቅም ያለው ግዙፍ ፕሮጀክት ነው፡፡

የመጀመርያ ደረጃ የፋብሪካ ግንባታ ሥራውን አጠናቆ ወደ ምርት ሒደት ሲገባ ፋብሪካው በቀን ከ6ሺህ እስከ 6ሺህ 500 ቶን ሸንኮራ አገዳ የመፍጨት አቅም ያለው ሲሆን የሁለተኛ ደረጃ ግንባታውን በማጠናቀቅ እና የሸንኮራ አገዳ ማሳውን በማስፋት በሙሉ ዐቅሙ ማምረት ሲጀምርም በቀን 12 ሺህ ቶን ሸንኮራ አገዳ ይፈጫል፡፡

ፋብሪካው በሙሉ ዐቅሙ ማምረት ሲጀምርም በዓመት 2.5 ሚሊየን ኩንታል ስኳር እና  26 ሚሊየን ሊትር ኢታኖል ያመርታል፡፡ በተጨማሪም 60 ሜጋዋት ኤሌክትሪክ በማመንጨት 40  ሜጋዋቱን ለብሔራዊ የኃይል ቋት በመላክ 20 ሜጋ ዋቱን ለራሱ የኃይል ፍላጎት ጥቅም ላይ ያውላል፡፡

በፋብሪካው አካባቢ ከቦታ ቦታ በመዘዋወር የሚኖሩ አርብቶ አደሮች በፈቃዳቸው በሦስት መንደሮች እንዲሰባሰቡ በማድረግና በ36.6 ሚሊዮን ብር የተለያዩ የማኅበራዊ አገልግሎት መስጫ ተቋማትን በመገንባት የአገልግሎቶቹ ተጠቃሚ እንዲሆኑ ተደርጓል፡፡

የአካባቢውን ተወላጆች ጨምሮ ለ2 ሺህ 183 ዜጎች የቋሚ፣ ኮንትራትና ጊዚያዊ የሥራ ዕድል የተፈጠረላቸው ሲሆን 73 አነስተኛ ማኅበራት ተደራጅተው በንግድ፣ በምግብ ዝግጅትና ሌሎች የሥራ መስኮች እንዲሰማሩ በማስቻል የልማቱ ተጠቃሚ እንዲሆኑ ተደርጓል፡፡

Leave a Reply

Your email address will not be published. Required fields are marked *