• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
ግሩፑ በዓለም ዓቀፍ ግልግል ፍርድ ቤት ተፈረደለት

ግሩፑ በዓለም ዓቀፍ ግልግል ፍርድ ቤት ተፈረደለት

 የቀድሞው ስኳር ኮርፖሬሽን ከቻይናው ዘይጂያንግ ቲምስ ኢንተርናሽናል ኢኮኖሚክ ኮኦፕሬሽን ሊሚትድ (ZHEIJIANG TEAMS INTERNATIONAL ECONOMIC LTD) ከተሰኘው ኩባንያ ጋር የግብርና ማሽነሪዎችን ግዥ ለመፈጸም በገባው ውል መሠረት ስላልቀረበለት በዓለም ዓቀፍ ንግድ ምክር ቤት ሲያደርግ በነበረው ክርክር ተፈረደለት፡፡

የቀድሞው ስኳር ኮርፖሬሽንና የቻይናው ኩባንያ እ.ኤ.አ በ2014 የግብርና ማሽነሪዎችን ለመግዛትና ለማቅረብ ውል ገብተው የነበረ ቢሆንም የቻይናው ኩባንያ የገባውን ውል መፈጸም ባለመቻሉ ሲውዘርላንድ ጄኔቭ በሚገኘው የዓለም ዓቀፍ የንግድ ምክር ቤት የግልግል ዳኝነት ክስ መስርቶበት እንደነበር የኢትዮጵያ ስኳር ኢንዱስትሪ ግሩፕ የህግና ኢንሹራን ጉዳዮች መምሪያ ሥራ አስኪያጅ አቶ ፋሲል ገብረማርያም አስታውቀዋል፡፡

እ.ኤ.አ እስከ 2019 ድረስ ክርክር ሲደረግበት በቆየው በዚህ ክርክር የዓለም ዓቀፉ የንግድ ምክር ቤት የግልግል ዳኝነት በሰጠው ፍርድ የቻይናው ኩባንያ ለኢትዮጵያ ስኳር ኢንዱስትሪ ግሩፕ 396,242.31(ሦስት መቶ ዘጠና ስድስት ሺህ ሁለት መቶ አርባ ሁለት ከሠላሳ አንድ ) የአሜሪካን ዶላር እንዲከፍል ፈርዶበታል፡፡ ኩባንያውም ገንዘቡን ለኢትዮጵያ ስኳር ኢንዱስትሪ ግሩፕ ገቢ ማድረጉንም መምሪያ ሥራ አስኪያጁ አስረድተዋል፡፡

አቶ ፋሲል እንደገለጹት በግሩፑ የሕግና ኢንሹራንስ ጉዳዮች ሥራ አስፈጻሚና ከቀድሞው ጠቅላይ ዐቃቤ ሕግ ከአሁኑ ፍትሕ ሚኒስቴር አራት የሕግ ባለሙያዎችን ያካተተ ቡድን ተዋቅሮ እ.ኤ.አ በ2018 ክሱ ተመስርቶ ለረጂም ጊዜ ክትትል ሲደረግበት ቆይቷል፡፡

በሂደቱ የተገኘው ውጤት እንደሀገር ለቀጣይ በዓለም ዓቀፍ የሕግ ክርክር ጉዳዮች ልምድ የተገኘበት መሆኑንም አቶ ፋሲል ገልጸዋል፡፡

Leave a Reply

Your email address will not be published. Required fields are marked *