• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
በጥራት ሥራ አመራር ሥርዓት አይ.ኤስ.ኦ 9001 2015 ላይ የተኮረ ሥልጠና እየተሰጠ ነው

በጥራት ሥራ አመራር ሥርዓት አይ.ኤስ.ኦ 9001 2015 ላይ የተኮረ ሥልጠና እየተሰጠ ነው

በጥራት ሥራ አመራር ሥርዓት አይ.ኤስ.ኦ 9001 2015 ላይ ያተኮረ የሁለት ቀናት ሥልጠና ለኢትዮጵያ ስኳር ኢንዱስትሪ ግሩፕ እና ለስኳር ፋብሪካዎችና ፕሮጀክቶች ከፍተኛ አመራር አባላት ከዛሬ ሰኔ 1 ቀን 2015 ዓ.ም ጀምሮ በግሩፑ ዋና መስሪያ ቤት መሰብሰቢያ አዳራሽ በመሰጠት ላይ ነው፡፡

ሥልጠና ፕሮግራሙን የመክፈቻ ንግግር በማድረግ የከፈቱት የኢትዮጵያ ስኳር ኢንዱስትሪ ግሩፕ ዋና ሥራ አስፈጻሚ ክቡር አቶ ወዮ ሮባ ሲሆኑ ዋና ሥራ አስፈጻሚው በዚሁ ወቅት እንደገለጹት የስኳር ፋብሪካዎቻችን ተወዳዳሪ ሆነው መዝለቅ የሚችሉት የአይ.ኤስ.ኦ የጥራት ሥራ አመራር ሥርዓትን ተግባራዊ በማድረግና ቀጣይነቱን በማረጋገጥ መስራት ሲችሉ ነው፡፡

ዋና ሥራ አስፈጻሚው አያይዘውም የጥራት ሥራ አመራር ሥርዓት አይ.ኤስ.ኦ 9001 2015ን ተግባር ላይ የማዋል ጉዳይ ለስኳር ፋብሪካዎቻችን እና ፕሮጀክቶቻችን የህልውና ጉዳይ መሆኑን በሁሉም ደረጃ የሚገኝ የሥራ ኃላፊ፣ ባለሙያና መላው ሠራተኛ ተገንዝቦ ወደ ተግባር መግባት አለበት፤ ለዚህም የሥራ ኃላፊዎች የመሪነት ሚና መጫወት አለባችሁ ብለዋል፡፡

በጥራት ሥራ አመራር ሥርዓት አይ.ኤስ.ኦ 9001 2015 ላይ ያተኮረውን ሥልጠና የሰጡት በኢትዮጵያ የደረጃዎች ኢንስቲትዩት የሥልጠና ዳይሬክቶሬት ዳይሬክተር የሆኑት አቶ መንግስቱ ተፈራ እና በኢንስቲትዩቱ የሰርቲፊኬሽን ስኬም እና የደረጃ ምልክት አስተዳደር መሪ ሥራ አስፈጻሚ አቶ ኦሊያድ ሌንጮ ናቸው፡፡

ይህ ለሁለት ቀናት ለከፍተኛ አመራር አባላት እየተሰጠ ያለው ሥልጠና የጥራት ሥራ አመራር ሥርዓት አይ.ኤስ.ኦ 9001 2015ን ለመምራት እና ለመተግበር እንዲሁም በአይ.ኤስ.ኦ ስታንዳርድ ዝግጅት እና አተገባበር ዙሪያ ሲሆን በቀጣይም በአይ.ኤስ.ኦ ስታንዳርድ ዝግጅት እና የአይ.ኤስ.ኦ ኦዲት ዙሪያ ያጠነጠነ ሥልጠና እንደሚሰጥ ታውቋል፡፡

በተጨማሪም በጥራት ሥራ አመራር ሥርዓት አይ.ኤስ.ኦ 9001 2015 ላይ ያተኮረ አጠቃላይ የሥልጠና ፕሮግራም በኢትዮጵያ ስኳር ኢንዱስትሪ ግሩፕ፣ በሁሉም ስኳር ፋብሪካዎችና ፕሮጀክቶች በየደረጃው ለሚገኙ የሥራ ኃላፊዎችና መላው ሠራተኞች የሚሰጥ ይሆናል፡፡

የጥራት ስራ አመራር ሥርዓት አይ.ኤስ.ኦ 9001 2015ን ተግባራዊ የማድረግ ሥራ በኢትዮጵያ ስኳር ኢንዱስትሪ ግሩፕ የማርኬቲንግ ዘርፍ እንዲመራ የግሩፑ ማኔጅመንት ባስቀመጠው አቅጣጫ መሰረት በዘርፉ በኩል በርካታ ሥራዎች እየተከናወኑ ሲሆን በቀጣይ ለሚከናወኑ ወሳኝ ሥራዎች መሰረታዊ የሆነውን ሥልጠና የስኳር ልማት ዘርፉ ከፍተኛ አመረር እየወሰደ መሆኑን የሥልጠና ፕሮግራሙ አዘጋጆች እና የዘርፉ ኃላፊዎች ገልጸዋል፡፡

በስኳር ፋብሪካዎች የጥራት ሥራ አመራር ሥርዓትን ተግባራዊ የማድረግ ባህል ቀደም ብሎም ሥራ ላይ ይውል የነበረ ሲሆን ቀጣይነቱን ባረጋገጠ መልኩ ሥርዓቱን ለማስቀጠልም በአሁኑ ወቅት ተጠናክሮ እየተሰራበት ይገኛል፡፡

Leave a Reply

Your email address will not be published. Required fields are marked *