• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
ዓመታዊ የምርምር ግምገማ በስኳር አካዳሚ ተካሄደ

ዓመታዊ የምርምር ግምገማ በስኳር አካዳሚ ተካሄደ

በኢትዮጵያ ስኳር ኢንዱስትሪ ግሩፕ የምርምርና ስልጠና ማዕከል ዓመታዊውን የምርምር ግምገማ ወንጂ በሚገኘው በስኳር አካዳሚ አዳራሽ በኅዳር ወር መጨረሻ አካሄደ፡፡

በግምገማው ላይ ከተለያዩ የሙያ ዘርፎች የተውጣጡ ተመራማሪዎች በልዩ ልዩ ጠንካራ የግምገማ ሂደቶች ያለፉ የምርምር ውጤቶችን  እና የምርምር መነሻ ሐሳቦቻቸውን አቅርበዋል፡፡

በግምገማው የቀረቡት 12 የምርምር መነሻ ጽሑፎች በአምስት የተለያዩ የምርምር ፕሮግራሞች ዙሪያ ያተኮሩና በዓመታዊው አገር ዓቀፍ የምርምር ግምገማ መድረክ ላይ እንዲቀርቡ የተመረጡ መሆናቸው ታውቋል፡፡ ጽሑፎች ከተለያዩ ዩኒቨርሲቲዎችና ከኢትዮጵያ ግብርና ምርምር ኢንስቲትዩት በተውጣጡ ከፍተኛ ተመራማሪዎች ጠናካራ ግምገማ ተደርጎባቸዋል፡፡

ገምጋሚዎቹ የቀረቡትን የጥናት ጽሑፎች በተገቢው ደረጃ እንዲገመግሙና ገንቢ ግብረ መልሶቻቸውን   እንዲሰጡ ለማስቻል በቂ የግምገማ ጊዜ እንደተሰጣቸውም ለማወቅ ተችሏል፡፡ በፎረሙ ላይ ከስኳር ፋብሪካዎችና ከኢትዮጵያ ስኳር ኢንዱስትሪ ግሩፕ ዋና መስሪያ ቤት የተጋበዙ እንግዶች መገኘታቸውንን የጥናት ውጤቶቹንና የጥናት የመነሻ ጽሑፎችን ማዳበር የሚያስችሉ ገንቢ አስተያየት መስጠታቸው ታውቋል፡፡

በምርምር ጉባኤው ግምገማ ከተካሄደባቸው 12 ጽሑፎች መካከል ሁለቱ የምርምር ግኝቶች ሲሆኑ አስሩ ደግሞ በተለያዩ ስኳር ፋብሪካዎች በሸንኮራ አገዳ ምርትና በስኳር ምርት ሂደት የሚስተዋሉ ችግሮችን መቅረፍን ታሳቢ ያደረጉ የምርምር ምክረ ሐሳቦች ናቸው፡፡

በግምገማው ላይ የቀረቡት ሁለቱ የምርምር ግኝቶች ጥቅም ላይ እንዲውሉ ማረጋገጫ ተሰጥቷቸዋል፡፡ ከጸደቁት ከአስሩ የምርምር ምክረ ሐሳቦች መካከል ደግሞ ስምንቱ ተግባራዊ እንዲደረጉ መለየታቸውን የምርምር ማዕከሉ አስታውቋል፡፡

በግምገማ መድረኩ ማጠቃለያ የምርምርና ስልጠና ዘርፍ ምክትል ዋና ዳይሬክተር አቶ አባይነህ ባዘዘው ባደረጉት ንግግር ማዕከሉ ለስኳር ኢንዱስትሪው ማነቆ የሆኑትን ችግሮች ለመለየትና ለመቅረፍ ያላሰለሰ ጥረት ማድረጉን አጠናክሮ ይቀጥላል ብለዋል፡፡

ለሁለት ቀናት በዘለቀው የግምገማ ጉባኤ ላይ 41 የዘርፉ ባለሙያዎች በመሳተፍ ገንቢ አስተያየቶችን መስጠታቸውንም ለማወቅ ተችሏል፡፡

Leave a Reply

Your email address will not be published. Required fields are marked *