• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
የስኳር ኢንዱስትሪ ግሩፕ አመራር አባላት በኦሞ ቤልት የሚገኙ የስኳር ፋብሪካዎችን የሥራ እንቅስቃሴ እየገበኙ ነው

የስኳር ኢንዱስትሪ ግሩፕ አመራር አባላት በኦሞ ቤልት የሚገኙ የስኳር ፋብሪካዎችን የሥራ እንቅስቃሴ እየገበኙ ነው

በኢትዮጵያ ስኳር ኢንዱስትሪ ግሩፕ ዋና ሥራ አስፈጻሚ በክቡር አቶ ወዮ ሮባ የተመራና የግሩፑ ከፍተኛ የሥራ ኃላፊዎችን ያካተተ የልዑካን ቡድን በኦሞ ቤልት የሚገኙ የስኳር ፋብሪካዎችን የሥራ እንቅስቃሴ ከየካቲት 17 ቀን 2016 ዓ.ም ጀምሮ በመጎብኘት ላይ ነው፡፡ ከመስክ ጉብኝቱ በመቀጠልም የፋብሪካዎቹን የስድስት ወራት የዕቅድ አፈጻጸም ይገመግማል፡፡
ልዑካን ቡድኑ እሁድ የካቲት 17 ቀን 2016 ዓ.ም የኦሞ ኩራዝ ቁጥር ሁለት ስኳር ፋብሪካን የኦፕሬሽን ሥራ የጎበኘ ሲሆን በዚሁ ወቅት ፋብሪካው በያዘው የምርት ወቅት 150 ሺህ ኩንታል ስኳር ለማምረት አቅዶ ምርት ከጀመረበት ከጥር 9 ቀን 2016 ዓ.ም ጀምሮ እስከሁን 50 ሺህ ኩንታል ማምረቱንና በዚህም የተያዘውን ዕቅድ ማሳካት እንደሚችል የፋብሪካው ዋና ሥራ አስኪያጅ አቶ ፈለቀ ቶማና የፋብሪካው የፋብሪካ ኦፕሬሽን ዘርፍ ምክትል ዋና ሥራ አስኪያጅ አቶ ዲንሳ አደና ለልዑካን ቡድኑ ገልጸዋል፡፡
የልዑካን ቡድን በፋብሪካው ባለሙያዎች የውስጥ አቅም በሞዲፊኬሽን የተሰሩና ለስኳር ማመላለሻ አግልግሎት የሚውሉ ጋሪዎችን የጎበኘ ሲሆን በዚሁ ወቅት የስኳር ኢንዱስትሪ ግሩፕ ዋና ሥራ አስፈጻሚ ክቡር አቶ ወዮ ሮባ የፋብሪካው አመራርና ሠራተኛ ግባቸውን ለማሳካት በርትተው መስራት እንዳለባቸው አሳስበዋል፡፡
የልዑካን ቡድኑ ዛሬ የካቲት 18 ቀን 2016 ዓ.ም የእርሻ፣ የመስኖና የመንገድ ሥራ እንቅስቃሴዎችን የጎበኘ ሲሆን ሲጠናቀቅ 1ሺህ 200 ሄክታር ማሳ ማልማት የሚያስችል የመስኖ አውታር ግንባታ ሥራና የመንገድ ሥራ አፈጻጸምንም ተመልክቷል፡፡ ይኼው የመስኖ አውታርና የመንገድ ሥራ አፈጻጸም 72 በመቶ የደረሰ ሲሆን የፕሮጀክት ሥራው ይጠናቀቃል ተብሎ ከተያዘበት ማለትም ከመስከረም ወር 2017 ዓ.ም ቀድሞ እንዲሚጠናቀቅ ይጠበቃል፡፡

Leave a Reply

Your email address will not be published. Required fields are marked *