• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
ፋብሪካው 10.8 ሚሊዮን ብር ሊያስወጣ የሚችል የማሳ ድልዳሎ ሥራን በውስጥ አቅም አከናወነ

ፋብሪካው 10.8 ሚሊዮን ብር ሊያስወጣ የሚችል የማሳ ድልዳሎ ሥራን በውስጥ አቅም አከናወነ

“በፋብሪካው የተከናወነው ሥራ ለሌሎች ፋብሪካዎች ተምሳሌት ነው”
የግሩፑ ዋና ሥራ አስፈጻሚ
በስኳር ኢንዱስትሪ ግሩፕ ዋና ሥራ አስፈጻሚ በክቡር አቶ ወዮ ሮባ እየተመራ በኦሞ ቤልት የሚገኙ የስኳር ፋብሪካዎችን የሥራ እንቅስቃሴ እየጎበኘ የሚገኘውና የግሩ ከፍተኛ የሥራ ኃላፊዎችን ያካተተው የልዑካን ቡድን በኦሞ ኩራዝ ቁጥር ሁለት ስኳር ፋብሪካ የውስጥ አቅም የተከናወነውን እና ለሥራ ተቋራጭ ድርጅት ቢሰጥ 10.8 ሚሊዮን ብር ሊያስወጣ ይችል የነበረውን የሸንከራ አገዳ ማሳ የመሬት ድልዳሎ ሥራን ትናንት የካቲት 18 ቀን 2016ዓ.ም ተዘዋውሮ ጎብኝቷል::
በዚሁ ጉብኝት ወቅት የግሩፑ ዋና ሥራ አስፈጻሚ እንደገለጹት በፋብሪካው የውስጥ አቅም የተከናወነው የሸንኮራ አገዳ ማሳ የድልዳሎ ሥራ ለሌሎች ስኳር ፋብሪካዎች ተምሳሌት የሚሆን ነው፡፡
የልዑካን ቡድኑ በተጨማሪም የፋብሪካውን የተለያዩ የሸንኮራ አገዳ ማሳዎች የጎበኘ ሲሆን በዚህም በፓምፕ የሚለሙ የእርሻ ማሳዎችን እና በ49.4 ሄክታር ማሳ ላይ እየለማ የሚገኘውን የበቆሎ ማሳ የሥራ እንቅስቃሴ ተመልክቷል፡፡
በተጨማሪም የልዑካን ቡድኑ በፋብሪካው እየተከናወኑ የሚገኙ የሞልዲንግ ሥራዎችን እና የማዳበሪያ አጠቃቀምና የስርጭት ቴክኒክን የተመለከተ ሲሆን የአገዳ ቆረጣ ሥራ ደረጃውን በጠበቀ ሁኔታ ሊከናወን ስለሚችልበት ሁኔታም ከፋብሪካው አመራር አባላትና ባለሙያዎች ጋር ተወያይቷል፤ በዚሀም ሰፊ የልምድ ልውውጥ ሥራ መከናወኑ ተመልክቷል፡፡

Leave a Reply

Your email address will not be published. Required fields are marked *