• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
የፋብሪካው የመሬት ዝግጅትና የአገዳ ተከላ ካለፉት ዓመታት የተሻለ መሆኑ ተገለጸ

የፋብሪካው የመሬት ዝግጅትና የአገዳ ተከላ ካለፉት ዓመታት የተሻለ መሆኑ ተገለጸ

ኦሞ ኩራዝ ቁጥር ሁለት ስኳር ፋብሪካ የመሬት ዝግጅትና የአገዳ ተከላ ሥራዎች ካለፉት ዓመታት የተሻለ መሆኑ ተገለጸ፡፡
ይህ የተገለጸው በኢትዮጵያ ስኳር ኢንዱስትሪ ግሩፕ ዋና ሥራ አስፈጻሚ በክቡር አቶ ወዮ ሮባ እየተመራ በኦሞ ቤልት የሚገኙ የስኳር ፋብሪካዎችን የሥራ እንቅስቃሴ እየጎበኘ የሚገኘውና የግሩፑ ከፍተኛ የሥራ ኃላፊዎችን ያካተተው የልዑካን ቡድን የፋብሪካውን የ2016 በጀት ዓመት የስድስት ወራት የዕቅድ አፈጻጸም የካቲት 19 ቀን 2016 ዓ.ም የማጠቃለያ ግምገማ ባደረገበት ወቅት ነው፡፡
የፋብሪካው የማሺነሪ ጥገና የስድስት ወር አፈጻጸም አበረታች እንደሆነም ነው በግምገማው የተገለጸው፡፡
ኦሞ ኩራዝ ቁጥር 2 ስኳር ፋብሪካ በበጀት ዓመቱ 2300 ሄክታር አገዳ ለመትከል የያዘውን ዕቅድ የዝናብ ወቅት ከመግባቱ በፊት ለማሳካት ልዩ ትኩረት ሰጥቶ መስራት እንዳለበትም በግምገማው ወቅት ተገልጿል፡፡
ፋብሪካው ወሳኝ የሆኑ የመለዋወጫ ፍላጎቶቹን ለይቶ በአስቸኳይ የግዥ ጥያቄ እንዲያቀርብም አቅጣጫ ተሰጥቷል፡፡
የሚስተዋሉ የመልካም አስተዳደር ችግሮች ተለይተው በየአግባባቸው መፈታት እንዳለባቸውም በግምገማው ተገልጿል፡፡
ልዑኩ የኦሞ ኩራዝ ቁጥር 2 ስኳር ፋብሪካ የመስክ ጉብኝትና የስድስት ወር አፈፃፀም ግምገማን ትናንት የካቲት 19 ቀን 2016 ዓ.ም አጠናቆ ከሰዓት በኃላ ወደ ኦሞ ኩራዝ ቁጥር አንድና እና ሦሥት በመጓዝ ልዩ ልዩ የመስክ ሥራዎችን ተዘዋውሮ ጎብኝቷል፡፡

Leave a Reply

Your email address will not be published. Required fields are marked *