• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
ፋብሪካው በቀሪ ጊዜያት የማካካሻ ተግባራትን ማከናወን እንደሚጠበቅበት ተገለጸ

ፋብሪካው በቀሪ ጊዜያት የማካካሻ ተግባራትን ማከናወን እንደሚጠበቅበት ተገለጸ

የኦሞ ኩራዝ ቁጥር ሦሥት ስኳር ፋብሪካ የ2016 የምርት ዓመት ዕቅዱን ለማሳካት በበጀት ዓመቱ ቀሪ ጊዜያት የማካካሻ ተግባራትን ማከናወን እንደሚጠበቅበት ተገለጸ፡፡
ይህ የተገለጸው በኢትዮጵያ ስኳር ኢንዱስትሪ ግሩፕ ዋና ሥራ አስፈጻሚ በክቡር አቶ ወዮ ሮባ እየተመራ በኦሞ ቤልት የሚገኙ የስኳር ፋብሪካዎችን የሥራ እንቅስቃሴ የጎበኘው የግሩፑ ከፍተኛ የሥራ ኃላፊዎችን ያካተተው የልዑካን ቡድን የፋብሪካውን የ2016 በጀት ዓመት የስድስት ወራት የዕቅድ አፈጻጸም የካቲት 21 ቀን 2016 ዓ.ም የማጠቃለያ ግምገማ ባደረገበት ወቅት ነው፡፡
የፋብሪካው ዋና ሥራ አስኪያጅ አቶ ጥበቡ ማሞ የፋብሪካውን የስድስት ወራት ዕቅድ አፈጻጸም ለልዑኩ አቅርበው ውይይት ተደርጎበታል፡፡
በውይቱ ወቅት እንደተገለጸው ፋብሪካው በዓመቱ በልዩ ልዩ የሥራ ዘርፎች ለማከናወን ያቀዳቸውን ተግባራት ለማሳካት በቀሪው ጊዜ በርካታ የማካካሻ ሥራዎችን ለመስራት በቁርጠኝነት መንቀሳቀስ ይጠበቅበታል፡፡
ኦሞ ኩራዝ ቁጥር ሦሥት ስኳር ፋብሪካ በአዲስና ነባር የሸንኮራ አገዳ ማሳ ዝግጅት፣ በሸንኮራ አገዳ ተከላ፣ ለፋብሪካ የሚቀርበውን የሸንኮራ አገዳ አቅርቦት በማሳደግ፣ ተጓዳኝ ምርቶችቶን በዓይነትና በመጠን በመጨመር ረገድ ትኩረት ሰጥቶ መስራት እንዳለበት ነው በግምገማው የተገለጸው፡፡

Leave a Reply

Your email address will not be published. Required fields are marked *