• +251115526653
  • info@etsugar.com
  • Phillips Building, Chad St, Addis Ababa, Ethiopia
ዜናዎች
የኩባ የስኳር ዘርፍ የቴክኒክ ቡድን ባቀረበው የማጠቃለያ ሪፖርት ላይ ውይይት ተካሄደ

የኩባ የስኳር ዘርፍ የቴክኒክ ቡድን ባቀረበው የማጠቃለያ ሪፖርት ላይ ውይይት ተካሄደ

  • በግሩፑ ዋና ሥራ አስፈጻሚ የሚመራና በጋራና በተናጠል የሚፈቱ የዘርፉ ችግሮችን የሚለይ ስቲሪንግ ኮሚቴ ተቋቋመ

የኩባ የስኳር ዘርፍ የቴክኒክ ቡድን በአራት ስኳር ፋብሪካዎች ባካሄደው የሥራ ጉብኝት ያዘጋጀውን የማጠቃለያ ሪፖርት ለስኳር ኢንዱስትሪ ግሩፕ ከፍተኛ የሥራ ኃላፊዎች ዛሬ ግንቦት 23 ቀን 2016 ዓ.ም አቅርቦ ውይይት ተደርጎበታል፡፡

ቡድኑ በወንጂ ሸዋ፣ መተሐራ፣ ኦሞ ኩራዝ ቁጥር 2 እና ቁጥር 3 ስኳር ፋብሪካዎች እንዲሁም በስልጠና እና ምርምር ማዕከል  ያደረገውን የመስክ ጉብኝት ትናንት ግንቦት 22 ቀን 2016 ዓ.ም አጠናቆ የተመለሰ ሲሆን በዛሬው ዕለት በግሩፑ ዋና መስሪያ ቤት የማጠቃለያ ሪፖርቱን ለማቅረብ በተገኘበት ወቅት የኢትዮጵያ ስኳር ኢንዱስትሪ ግሩፕ ዋና ሥራ አስፈጻሚ ክቡር አቶ ወዮ ሮባ ለቡድኑ አባላት የተሰጣችሁን ኃላፊነት ተወጥታችሁ ከመስክ ሥራ እንኳን ደህና መጣችሁ በማለት በማጠቃለያ ሪፖርቱ ዙሪያ የተካሄደውን ውይይት በንግግር ከፍተዋል፡፡

በንግግራቸውም የቴክኒክ ቡድኑ አባላት ከፋብሪካዎች ጋር መግባባት ላይ የተደረሰባቸውን ችግሮችና መፍትሄዎቻቸውን የሚያመለክት ማጠቃለያ ሪፖርት እንደሚያቀርቡ በግሩፑ በኩል እንደሚጠበቅ ገልጸው የኩባ የቴክኒክ ቡድን ተወካይ ማጠቃለያ ሪፖርቱን እንዲያቀርቡ ጋብዘዋል፡፡

የቴክኒክ ቡድኑ ተወካይ ባቀረቡት ማጠቃለያ ሪፖርትም የቡድኑ አባላት በእርሻና በፋብሪካ ዘርፍ በሁለት ቡድን በመከፈልና ከፋብሪካዎች ዋና ሥራ አስኪያጆችና የተለያዩ የሥራ ዘርፍ ኃላፊዎች ጋር በመሆን ባለፉት የፕሮጀክትና የምርት ወቅቶች የተስተዋሉ ችግሮች ዙሪያ ውይይት በማድረግና በተለያዩ የሥራ ዘርፎች በመሰማራት በታዩ ችግሮች፣የመፍትሔ አማራጮችና በዚህም ረገድ የኩባ ቡድን ትብብርን የሚሹ ጉዳዮችን ከየዘርፉ የሥራ ኃላፊዎች ጋር በመወያየት  ሪፖርቱን እንዳዘገጁ አመልክተዋል፡፡

የኩባ የስኳር ዘርፍ የባለሙያዎች የቴክኒክ ቡድን በፈብሪካዎች፣ በምርምርና ሥልጠና ማዕከላት የለያቸውን ክፍተቶችና ችግሮቹን ለማፍታት ያስችላሉ ያላቸውን የመፍትሔ አማራጮች አቅርቦ ሰፊ ውይይት ተደርጎበታል፡፡

በመጨረሻም የስኳር ኢንዱስትሪ ግሩፕ ዋና ሥራ አስፈጻሚ ባደረጉት የማጠቃለያ ንግግር የኩባ የስኳር ዘርፍ የባለሙያዎች የቴክኒክ ቡድን የኢትዮጵያንና የኩባን የረዥም ጊዜ ወዳጅነት ባገናዘበ ሁኔታ በአጭር ጊዜ ውስጥ በአራት ፋብሪካዎችና በግሩፑ የስልጠና እና ምርምር ማዕከል የሥራ ጉብኝት በማድረግ እንዲሁም የተስተዋሉ ችግሮችን እና የመፍትሔ ሀሳቦችን ያካተተ ማጠቃለያ ሪፖርት በማቅረባቸው ለቡድኑ አባላት ምስጋናቸውን አቅርበዋል፡፡

ዋና ሥራ አስፈጻሚው በዚሁ የማጠቃለያ ንግራቸው በግሩፑ በኩል በኩባ የቴክኒክ ቡድን ተለይተው በቀረቡ ችግሮች ዙሪያ ከኩባ ባለሙያዎች ጋር ባጋራ የሚፈቱ፣ በግሩፑ የውስጥ አቅም እንዲሁም በኩባ በለሙያዎችና ኩባንያዎች ሊፈቱ የሚቸሉ ችግሮችን የሚለይ እና ወደ ቀጣይ ሥራ የሚገባ በእርሳቸው የሚመራ የግሩፑ ስቲሪንግ ኮሚቴ መቋቋሙን አመልክተው በፋብሪካ፣ በእርሻ እና በምርምርና ሥልጠና ዘርፎች የሚመሩ የስቲሪንግ ኮሚቴዎች በቀጣይ ሣምንት ችግሮቹን እና መፍትሔዎቻቸውን ለይተው ለተቋቋመው ዓቢይ ስቲሪንግ ኮሚቴ እንዲያቀርቡ አቅጣጫ ሰጥተው የዕለቱ ውይይት ተጠናቋል፡፡

Leave a Reply

Your email address will not be published. Required fields are marked *